تێستهكا خوینێ دشێت 50 جۆرێن پهنجهشێرێ ل دهف تووشبوویان دهستنیشان بكهت
گاڤ
لێكۆلینهكا نوى ئاماژه ب وێ چهندێ كریه كو تێستهكا خوینێ دشێت 50 جۆرێن پهنجهشێرێ دهستنیشان بكهت.
دهستنیشانكرنا تووشبوونێ ب پهنجهشێرێ د قووناغێن دهستپێكێ یێن تووشبوونێ دا ژ بۆ ژێگرتنا چارهسهریێن پێدڤى و كاریگهریا وێ یا گرنگه و ئهڤ تێسته ژ بۆ ڤێ چهندێ یا ب مفایه.
رۆژنامهیا The Independent یا بریتانى بهلاڤكریه؛ تێستا خوینێ یا ب ناڤێ Gallery شیایه تووشبوونا مرۆڤان ب 50 جۆرێن پهنجهشێرێ ئاشكرا بكهت.
دیار ژى كریه كو "وێ تێستێ نیشانێن تووشبوونێ ب پهنجهشێرێ ل دهف 323 كهسان ژ سهرجهمێ 6238 كهسێن ژ بهر ههبوونا نیشانێن گۆمانلێكرى سهرهدانا نۆشداران ل ئنگلترا و وێلز كرین، دهستنیشانكرینه".
ههروهسا ژ وان 323 نهخۆشان، نهخۆشیا پهنجهشێرێ ل دهف 244 ژ وان هاته دهستنیشانكرن.
تێستێ دهستنیشانكرن (Diagnose) یا دروست بۆ پهنجهشێرا رویڤیكان ب رێژهیا 37%، بۆ پهنجهشێرا سیهان ب رێژهیا 22%، بۆ پهنجهشێرا رهحمێ ژنێ ب رێژهیا 8%، بۆ پهنجهشێرا سورێنچكێ ب رێژهیا 6% و بۆ پهنجهشێرا هێلكهدانێ ب رێژهیا 4% ههبوویه.