گاڤ

سه‌رۆككۆمارێ توركیا راگه‌هاند كو د چه‌ند ده‌مژمێرێن بهێت دا ئه‌و دێ حكومه‌ته‌كا نوى راگه‌هینن.
ل گۆره‌ى گوهۆڕینێن ده‌ستوورى یێن ل هه‌یڤا نیسانا سالا 2017 هاتینه‌ په‌سه‌ندكرن، ژماره‌یه‌كا ده‌ستهه‌لاتان ب سه‌رۆككۆمارێ توركیا هاتینه‌ دان وه‌كى سه‌رۆكێ ده‌ستهه‌لاتا بجهئینانێ و دامه‌زراندنا وه‌زیران و مه‌زنه‌ به‌رپرسێن ده‌وله‌تێ یان لادانا وان.
ره‌جه‌ب ته‌یب ئه‌ردۆگان ئه‌ڤرۆ شه‌مبیێ د چارچووڤه‌یێ رێوره‌سمێن ده‌ستبكاربوونا وى دا وه‌ك سه‌رۆكێ توركیا بۆ 5 سالێن بهێت راگه‌هاند كو د ده‌مژمێرێن بهێت دا دێ حكومه‌تا نوى ل توركیا هێته‌ راگه‌هاندن.
سه‌رۆك نێچیرڤان بارزانى، 21 سه‌رۆكێن وه‌لاتان، 13 سه‌رۆكوه‌زیرێن وه‌لاتان و ژماره‌یه‌كا به‌رپرسێن جیهانى د رێوره‌سمێن دانانا ئه‌ردۆگانى وه‌ك سه‌رۆكێ توركیا دا پشكدار ببوون.
ره‌جه‌ب ته‌یب ئه‌ردۆگان د هه‌لبژارتنێن گه‌ڕا دوێ یێن سه‌رۆككۆمارێ توركیا دا ل 28ى گۆلانا بۆرى شیابوو ل سه‌ر كیستێ كه‌مال كلیچدار ئوغلۆى بسه‌ركه‌ڤیت و ببیته‌ سه‌رۆكێ توركیا بۆ پێنج سالێن بهێت.