راگه‌هاندنه‌ك ژ سه‌رۆكاتیا هه‌رێما كوردستانێ
بەلاڤ بکە
گاڤ
سه‌رۆكێ هه‌رێما كوردستانێ پشكدارى د رێوره‌سمێن دانانا ره‌جه‌ب ته‌یب ئه‌ردۆگان وه‌ك سه‌رۆككۆمارێ توركیا دا ل ئه‌نقه‌ره كر.
د راگه‌هاندنه‌كا سه‌رۆكاتیا هه‌رێمێ دا هاتیه "سه‌رۆك نێچیرڤان بارزانى ئه‌ڤرۆ شه‌مبیێ 3/6/2023 ل ئه‌نقه‌ره ل گه‌ل ژماره‌یه‌كا سه‌رۆك و سه‌ركرده‌یێن وه‌لاتان، پشكدارى د رێوره‌سمێن ده‌ستبكاربوونا ره‌جه‌ب ته‌یب ئه‌ردۆگان وه‌ك سه‌رۆكێ توركیا دا كر".
تێدا هاتیه ژى "سه‌رۆك نێچیرڤان بارزانى و مێهڤانێن بلند یێن رێوره‌سمان، پشتى ب دویماهیك هاتنا رێوره‌سمان ل كۆچكا سه‌رۆككۆماریا توركیا پشكدارى د شیڤخوارنه‌كێ دا كرن، ئه‌ڤ رێوره‌سمه پشتى سویندخوارنا سه‌رۆك ئه‌ردۆگان ل په‌رله‌مانێ وه‌لاتى بۆ خۆله‌كا نوى یا سه‌رۆكایه‌تیا توركیا برێڤه‌چوون".
سه‌رۆك نێچیرڤان بارزانى، 21 سه‌رۆكێن وه‌لاتان، 13 سه‌رۆكوه‌زیرێن وه‌لاتان و ژماره‌یه‌كا به‌رپرسێن جیهانى د رێوره‌سمێن دانانا ئه‌ردۆگانى وه‌ك سه‌رۆكێ توركیا دا پشكدار ببوون.
ره‌جه‌ب ته‌یب ئه‌ردۆگان د هه‌لبژارتنێن گه‌ڕا دوێ یێن سه‌رۆككۆمارێ توركیا دا ل 28ى گۆلانا بۆرى شیابوو ل سه‌ر كیستێ كه‌مال كلیچدار ئوغلۆى بسه‌ركه‌ڤیت و ببیته سه‌رۆكێ توركیا بۆ پێنج سالێن بهێت.
