گاڤ

ترۆمبێلا تێسلا Y یا ب كاره‌بێ كار دكه‌ت وه‌ك پڕفرۆشترین ترۆمبێل د چارێكا ئێكێ یا سالا 2023 دا هاته‌ ده‌ستنیشانكرن.
هه‌ر ژ ده‌مێ به‌رده‌ستبوونا ترۆمبێلا Tesla Y ژ به‌رى چار سالان و تا نوكه‌، بوویه‌ ئێك ژ پڕفرۆشترین ترۆمبێلان ل جیهانێ و د سالا 2022 دا ل رێزا سیێ ل سه‌ر ئاستێ پڕفرۆشترین ترۆمبێلان دهات.
ل گۆره‌ى راپۆرته‌كا Motor1؛ تێسلا Y د چارێكا ئێكێ یا ئه‌ڤ ساله‌ 2023 دا پڕفرۆشترین ترۆمبێله‌ ل جیهانێ.
ئاشكرا ژى كریه‌ كو 267200 ترۆمبێلێن تێسلا Y د ئه‌ڤ ساله‌ دا هاتینه‌ فرۆشتن ب زێده‌بوونا ب رێژه‌یا 69% ل سه‌ر بنیاته‌كێ سالانه‌.
راپۆرتێ دیار ژى كریه‌ كو فرۆشتنا ترۆمبێلان ب گشتى ل جیهانێ به‌ره‌ڤ زێده‌بوونێ ڤه‌ چوویه‌ و پترین رێژه‌یا زێده‌بوونێ ل چینێ ب رێژه‌یا 35% و ل ئه‌مریكا ب رێژه‌یا 31% بوون.
كۆمپانیا تێسلا یا ترۆمبێلان یا ئیلۆن ماسكى ملیاردێرێ ئه‌مریكى و خۆدانێ تۆرا تویته‌رى یه‌ كو ب دروستكرنا ترۆمبێلێن ب كاره‌بێ كار دكه‌ن یا ناڤداره‌.