مه‌سروور بارزانى و هاكان فیدان ب ته‌له‌فۆنێ ئاخفتن
بەلاڤ بکە
گاڤ
سه‌رۆكێ حكومه‌تا هه‌رێما كوردستانێ مه‌سروور بارزانى ئه‌ڤرۆ ب ته‌له‌فرۆنێ دگه‌ل وه‌زیرێ ده‌رڤه‌یێ تركیا یێ نوى هاكان فیدانى ئاخفت، باس ل پێشڤه‌برن په‌یوه‌ندیێن هه‌رێما كوردستانێ وتركیا كرن.
ئه‌ڤرۆ ئێڤارى مه‌سروور بارزانى ب مه‌ره‌ما پیرۆزباهى ل هاكان فیدان كر كو د كابینه‌یا نوى یا حكومه‌تا تركیا دا وه‌كو وه‌زیری ده‌رڤه‌یێ تركیا هاتیه دانان.
مەسرور بارزانی، سه‌رۆكێ حكومه‌تا هه‌رێمی د تویته‌كى دا به‌لاڤكر، ئه‌ڤرۆ ئێڤارى ب ته‌له‌فۆنێ په‌یوه‌ندى ب وه‌زیرێ ده‌رڤه‌یێ تركیا كر و پیرۆزباهیا ده‌ستبكاربوونێ لێكر.
بارزانى ئاماژه ب وێ ئێكێ ژى دا د په‌یوه‌ندیا ته‌له‌فۆنى یا دگه‌ل هاكان فیدانى دا باس ل خۆشكرنا په‌یوه‌ندیین هه‌رێما كوردستانێ و تركیا هاته كرن و هیڤى خواست كار بۆ پتر خۆشكرنا په‌یوه‌ندیێن هه‌ر دو ئالیان بهێته كرن.
هاكان فیدان ب ره‌گه‌ز كورده و خه‌لكێ پاریزگه‌ها وانێ یا باكورێ كوردستانێ یه، به‌رى وه‌كى وه‌زیرێ ده‌رڤه ده‌ستبكار ببیت، بۆ ماوه‌یێ 13 سالان سه‌رۆكێ سازیا هه‌والگریا تركیا میتێ بوویه.
