پارتى ل دۆر پاشكه‌فتێ مووچه‌ی مزگینیه‌كێ دده‌ته فه‌رمانبه‌ران
بەلاڤ بکە
گاڤ – تایبه‌ت
چاڤه‌رێیه رۆژا پێنجشه‌مبى په‌ڕله‌مانێ ئیراقێ كۆمببیت، پارتى ژى پێشنیازه‌كا نوى هه‌یه كو د هه‌یاما پێنج سالان دا هه‌مى پاشكه‌فتنا مووچه‌یێ فه‌رمانبه‌رێن هه‌رێمێ بهێته‌دان، په‌ڕله‌مانتاره‌كێ پارتى ژى دبێژیت: وان پێگهۆره‌كێ باش هه‌یه، ژبه‌ركو ئه‌گه‌ر هه‌یڤانه 10% یا پاشكه‌فتى هاتبادان، فه‌رمانبه‌ران 40 سالێن دى ژى هه‌مى پاشكه‌فتێ خۆ وه‌رنه‌دگرت.
دو رۆژێن بهێن بۆ هه‌رێما كوردستانێ كوردستانێ د ئێكلاكه‌ر و گرنگن، دو كۆمبوون دێ ل به‌غدایێ هێنه كرن، د. خه‌لیل غازى، په‌رله‌مانتارێ پارتى و ئه‌ندامێ لژنه‌یا دارایی بۆ گاڤ گۆت: پارتى پێشنیازكریه د پێنج تا شه‌ش سالان دا هه‌مى پاشكه‌فتێ مووچه‌یێ فه‌رمانبه‌رێن هه‌رێمێ بهێته‌دان و ئه‌ڤه د قانوونا بودجێ دا بهێته چه‌سپاندن و ئه‌گه‌ر وه‌ك یا نوكه د قانوونێ دا هاتیه راستڤه‌كرن 10%ێ بهێته‌دان 40 سالێن دى ژى فه‌رمانبه‌ر پاشكه‌فتێ خۆ هه‌میێ وه‌رناگرن.
هه‌روه‌سا گۆت: كۆمبوونا ئێكێ لژنه‌یا دارایى یه و دێ ده‌نگى ل سه‌رراستڤه‌كرنێن پڕۆژه قانوونا بۆدجێ ده‌ت و ره‌وانه‌یى په‌ڕله‌مانى كه‌ت و د كۆمبوونا دویێ ژى دا په‌ڕله‌مان دێ په‌سه‌ند كه‌ت، دیاركرژى، وان كاره‌كێ باش كریه و ئه‌گه‌ر بودجه بڤى ره‌نگى ده‌رباز ببیت، هه‌رێما كوردستانێ چ كێشه ل گه‌ل پڕۆژه‌قانوونا بودجه‌یا ئیراقێ نابن.
