ئیرانێ بالیۆزخانه‌یا خۆ ل سعودیێ ڤه‌كر
06/06/2023 - 22:30
بەلاڤ بکە
گاڤ
پشتى 7 سالێن داخستنێ، ئه‌ڤرۆ ئیرانێ ده‌رگه‌هێن بالیۆزخانه‌یا خۆ ل پایته‌ختێ سعودیێ ریاز ڤه‌كرن وه‌كو گاڤه‌ك بۆ بجهئینانا رێككه‌فتنا ئاسایكرنا په‌یوه‌ندیێن هه‌ردو وه‌لاتان كو ب ناڤبه‌ینكاریا چینێ هاتیه كرن.
ناسر کەنعانی، په‌یڤدارێ وه‌زاره‌تا ده‌رڤه‌یا ئیرانێ د به‌یاننامه‌یه‌كێ دا راگه‌هاند، ئه‌ڤرۆ بالیۆزخانه‌یا ئیرانێ ل پایته‌ختێ سعودیێ ریاز هاته ڤه‌كرن و بریاره سوبه‌هى ژى كونسۆلخانه‌یا گشتى یا ئیرانێ ل باژێرێ جه‌ده و نڤیسینگه‌ها نوونه‌رێ ئیرانێ د رێكخراوا هاریكاریا ئیسلامى دا بهێنه ڤه‌كرن.
ل ده‌ستپیكا هه‌یڤا نیسانا بۆرى ب ناڤبه‌ینكاریا چینێ ل په‌كین ا پایته‌خت، ئیران و سعودی ل دۆر ئاسایكرن و خۆشكرنا په‌یوه‌ندیان رێككه‌فتن كو ژ سالا 2016ێ هه‌موو په‌یوه‌ندیین دپلۆماسى یێن دناڤبه‌را هه‌ردو وه‌لاتان دا راوه‌ستابوون.
