سەرۆک نێچیرڤان بارزانی ل گەل هەلسورێنەرێ بالیۆزخانەیا ئازەربایجانێ کۆم بوو

بەلاڤ بکە

گاڤ

سەرۆکێ هەرێما کوردستانێ ئەڤرۆ پێشوازی ل نەسیر مەمەدۆف، هەلسورێنەرێ بالیۆزخانەیا ئازەربایجانێ ل ئیراقێ کر و پەیوەندیێن هەرێما کوردستانێ و ئیراقێ ل گەل وی وەلاتی بەحس کرن.

ل گۆرەی بەیانەکا سەرۆکاتیا هەرێما کوردستانێ، هەردو هەڤبۆچوون بوون کو زەمینەسازی و دەلیڤەیا باش هەیە بۆ پێشڤەبرنا پەیوەندیان تایبەت د بوارێن ئابۆری، بازرگانی و گەشتیاری دا، دەربارەی ڤێ یەکێ ژی بەحس ل ڤەکرنا بالیۆزخانەیا ئازەربایجانێ ل هەرێما کوردستانێ و رێکارێن پێدڤی هاتە کرن کو پێشتر د کۆمبوونا سەرۆکێ هەرێما کوردستانێ و سەرۆکێ وە وەلاتی دا ل میۆنشن بریار لسەر هاتبوو دان.

هەروەسا هاتیە، سەرەدانا چاڤەرێکری یا سەرۆکێ هەرێما کوردستانێ بۆ باکۆ ل سەر داخوازا فەرمی یا سەرۆکێ وی وەلاتی و رەوشا دەڤەرێ ب گشتی ژی د کۆمبوونێ دا هاتنە بەحسکرن.

زێدەتر دەربارەی