وه‌لاته‌ك رویبروى بلندترین پێلا گه‌رمێ د 50 سالان دا دبیت و قوتابخانه دهێنه گرتن
بەلاڤ بکە
گاڤ
وه‌لاتێ به‌نگلادش ئه‌ڤرۆ چارشه‌مبیێ بڕیارا گرتنا ده‌رگه‌هێن قۆتابخانه‌یان دا پشتى رویبروى بلندترین پێلا گه‌رمێ د درێژیا 50 سالێن بۆرى دا بووى.
ژ ئه‌نجامێ بلندبوونا پێلا گه‌رمێ ل وى وه‌لاتى، هێلا كاره‌بێ هاته بڕین و ده‌ستهه‌لاتێن وى وه‌لاتى بڕیارا گرتنا ده‌رگه‌هێن قۆتابخانه‌یان دان.
به‌رپرسه‌كێ سه‌قاناسیا به‌نگلادشێ گۆت "هه‌ر ژ ده‌مێ سه‌ربخۆبوونا به‌نگلادشێ ل سالا 1971 و تا نوكه، پێله‌كا گه‌رمیێ یا ب ڤى رادده‌ى ل وى وه‌لاتى روینه‌دایه".
پێلا گه‌رمیێ ل ده‌كا پایته‌ختێ به‌نگلادش گه‌هشته 40 پله‌یێن سه‌دى و به‌رهه‌مئینانا كاره‌بێ ل ژماره‌یه‌كا مه‌زن ژ ده‌ڤه‌رێن وى وه‌لاتى راوه‌ستیایه.
هه‌روه‌سا بڕیارا گرتنا ده‌رگه‌هێن قۆتابخانه‌یان ل ژماره‌یه‌كا مه‌زن یا ده‌ڤه‌رێن وى وه‌لاتى هاته دان.
هه‌ڤده‌م بهایێ ’تاكا’ دراڤێ به‌نگلادشى ب رێژه‌یا 25% به‌رانبه‌ر دۆلارى ب هه‌ڤبه‌ركرن ل گه‌ل سالا بۆرى كێمبوویه و ئه‌ڤ چه‌نده بوویه ئه‌گه‌رێ زێده‌بوونا تێچوویێن وزه‌یێ.
