بریتانیا بڕیاره‌كێ ل دۆر كامیره‌یێن چاڤدێریێ یێن چینى دده‌ت

بەلاڤ بکە

 

گاڤ

ده‌ستهه‌لاتێن بریتانى بڕیاره‌كا نوى ل دۆر كامیره‌یێن چاڤدێریێ یێن چینى یێن ل بریتانیا دهێنه‌ بكارئینان دان.
ل گۆره‌ى ئۆفیسا جڤاتا وه‌زیرێن بریتانیا؛ دێ داخواز ژ هه‌مى سازیێن حكومى هێته‌ كرن كو كامیره‌ و هه‌مى ئالاڤێن چاڤدێریێ یێن ماركه‌یێن وان چینى وه‌كى داهوا و هیكڤیژن ژ جهێن حكومى یێن هه‌ستیار راكه‌ن و نه‌هێلن.
ل گۆره‌ى رۆژنامه‌یا فاینانشیال تایمز؛ ئه‌ڤ چه‌نده‌ بزاڤه‌كه‌ بۆ دانانا سنووره‌كێ بۆ كۆمكرنا زانیاریێن هه‌والگیرى ژ لایێ چینێ ڤه‌.
دو كه‌سێن هایدار ژ پلانا حكومه‌تا بریتانى بۆ وێ رۆژنامه‌یێ دیاركرینه‌ كو هه‌مى كه‌لوپه‌لێن كۆمپانیێن داهوا و هیكڤیژن كو ژ مه‌زنترین كۆمپانیێن دروستكرنا ئالاڤێن چاڤدێریێ ب ڤیدیۆیێ نه‌ ل جیهانێ دێ ژ جهێن حكومى ل بریتانیا هێنه‌ راكرن.
ده‌ست ب خشته‌یه‌كێ ده‌مى بۆ ده‌ستپێكرنا پرۆسێسا راكرنا وان كامیره‌ و ئالاڤێن چاڤدێریێ ل بریتانیا هاتیه‌ كرن.

زێدەتر دەربارەی