دلشاد شههاب: كۆمیسیۆنا ههلبژارتنان یا ئیراقێ بهرههڤیا خۆ بۆ برێڤهبرنا ههلبژارتنێن كوردستانێ نیشاندا
گاڤ
پهیڤدارێ سهرۆكاتیا ههرێما كوردستانێ راگههاند كو كۆمیسیۆنا بلند یا سهربخۆ یا ههلبژارتنان یا ئیراقێ بهرههڤیا خۆ بۆ برێڤهبرنا ههلبژارتنێن پهرلهمانێ كوردستانێ نیشاندا.
دلشاد شههاب ئهڤرۆ پێنجشهمبیێ دیاركر؛ ب فهرمانا سهرۆك نێچیرڤان بارزانى شاندهكێ سهرۆكاتیا ههرێما كوردستانێ ل دۆر كرنا ههلبژارتنێن خۆلا شهشێ یێن پهرلهمانێ كوردستانێ چوو بهغدا و ل گهل كۆمیسیۆنا ههلبژارتنان یا ئیراقێ كۆمبوو.
راگههاند ژى؛ كۆمیسیۆنا ههلبژارتنان یا ئیراقێ بهرههڤیا خۆ بۆ برێڤهبرنا ههلبژارتنێن كوردستانێ نیشاندا.
ئاماژه ب وێ چهندێ ژى دا كو "سهرۆكاتیا ههرێما كوردستانێ ههمى بزاڤان دكهت كو ههلبژارتن بهێنه كرن و بۆ ههر هاریكاریهكێ بهرههڤه".
خۆیا ژى كر كو وان داخواز ژ كۆمیسۆنا ههلبژارتنان یا ئیراقێ كریه سهرپهرشتیا ههلبژارتنێن ههرێما كوردستانێ ب ستۆیێ خۆڤه بگریت دا كو ههلبژارتن د دهمێ خۆ دا و بێى پاشئێخستن بهێنه كرن.
زێده ژى كر كو "كۆمیسیۆنا ههلبژارتنان یا ئیراقێ دبینیت كو ئهولهویهتا كارێ وان برێڤهبرنا ههلبژارتنێن جڤاتێن پارێزگههێن ئیراقێ یه و پاشى دێ ژڤانهكى بۆ ههلبژارتنێن كوردستانێ دیار كهت".
ناڤهاتى ئهو ئێك ژى نهڤهشارت كو "مه دڤیا كۆمیسیۆنا مه سهرپهرشتیا ههلبژارتنان كربا، لێ سهرپهرشتیا وێ ژ لایێ كۆمیسیۆنا ئیراقێ ڤه كارهكێ ئاساییه و ژ بهرى نوكه ژى سهرپهرشتیا ههلبژارتنێن خۆلێن دویێ، سیێ و چارێ یێن پهرلهمانێ كوردستانێ كربوو".