گاڤ

رێڤه‌به‌رێ گۆمركێن هه‌رێما كوردستانێ راگه‌هاند كو نه‌سه‌قامگیریا بهایێ دۆلارى و نه‌سه‌قامگیریا سیاسى كارتێكرن ل سه‌ر داهاتێ گۆمركان كریه‌.

سامال عه‌بدولره‌حمان ئه‌ڤرۆ پێنجشه‌مبیێ د پرێس كۆنفرانسه‌كێ دا ئاماژه‌ ب وێ چه‌ندێ كر كو نه‌بوونا سه‌قامگیریا سیاسى و نه‌سه‌قامگیریا بهایێ خه‌رجكرنا دۆلارى بووینه‌ ئه‌گه‌رێ كێمبوونا داهاتێ گۆمركان ب رێژه‌یا 10%.

دیار ژى كر كو داهاتێ گۆمركان ل هه‌رێمێ د دو هه‌یڤێن بۆرى دا دناڤبه‌را 110 تا 140 ملیار دیناران دا بوو.

ناڤهاتى خۆیا ژى كر؛ داهاتێن گۆمركان ل دهۆك و هه‌ولێرێ رێژه‌یا دناڤبه‌را 60% تا 70% و داهاتێ گۆمركێن سلێمانیێ رێژه‌یا 30% ژ سه‌رجه‌مێ داهاتێ گۆمركان ل هه‌رێمێ پێكدئینن.