راهێنه‌رێ به‌رشلۆنا ل دۆر ڤه‌گوهاستنا نه‌یمارى بۆ یانه‌یێ هاته ده‌نگ
بەلاڤ بکە
گاڤ
راهێنه‌رێ به‌رشلۆنا ل دۆر ڤه‌گوهاستنا نه‌یمار دا سێلڤا بۆ دناڤ رێزێن یانه‌یا ئسپانى دا هاته ده‌نگ.
چاڤى هێرناندێز ئه‌ڤرۆ پێنجشه‌مبیێ نووچه‌یێن ل دۆر هاتنا نه‌یمارى بۆ دناڤ رێزێن به‌رشلۆنا دا ره‌تكرن و دیاركر "نه‌یمار نه دناڤ لیستا گرنگیپێدانا مه دایه".
گۆت ژى "نه‌یمار بۆ من جهێ رێزێ یه وه‌ك هه‌ڤال لێ مه هنده‌ك تشتێن گرنگتر هه‌نه".
رۆژنامه‌یا سپۆرت یا ئسپانى دیاركربوو كو كارگێریا به‌رشلۆنا هزر د ڤه‌گوهاستنا نه‌یمارى دا دكه‌ت پشتى د ڤه‌گه‌ڕاندنا مێسى دا بۆ یانه‌یێ سه‌رنه‌كه‌فتى و مێسى چوویه دناڤ رێزێن ئینتر مایامى دا.
نه‌یمار ل هاڤینا سالا 2017 ژ یانه‌یا به‌رشلۆنا چووبوو دناڤ رێزێن یانه‌یا پاریس سان جێرمان دا پشتى كو یانه‌یا فره‌نسى مه‌رجێ سزایى د گرێبه‌ستا نه‌یمارى دا یێ 222 ملیۆن یۆرۆیان ب به‌رشلۆنا داى.
هه‌ڤبه‌ستا نه‌یمارى ل سالا 2017، پشتى دانا پاریس سان جێرمان بۆ 222 ملیار یۆرۆیان وه‌ك گرانترین هه‌ڤبه‌ستا یاریكه‌ره‌كێ ته‌پاپێى د دیرۆكێ دا هاتبوو هژمارتن.
