فراكسیۆنێن كوردستانى یێن پهرلهمانێ ئیراقێ كۆمبوون
گاڤ
فراكسیۆنێن كوردستانى د پهرلهمانێ ئیراقێ دا ل دۆر پرۆژهیاسایا بودجهیا ئیراقێ كۆمبوون.
فراكسیۆنێن كوردستانى د پهرلهمانێ ئیراقێ دا ژ بهرى دهستپێكرنا روینشتنا پهرلهمانێ ئیراقێ بۆ دهنگدانێ ل سهر پرۆژهیاسایا بودجهیا ئیراقێ بۆ سالێن 2023، 2024 و 2025 كۆمبوون.
ل گۆرهى زانیاریێن گاڤ، كۆمبوونا لایهنێن كوردى ل پهرلهمانێ ئیراقێ هاتیه كرن و تێدا بزاڤێن گههشتنێ ب ههلویستهكێ ئێكگرتى یێن پهرلهمانتارێن كورد د دهنگدانێ دا ل سهر بودجهیێ هاتیه كرن.
ههڤدهم پهرلهمانتارێن ئیراقێ ل ههمبهر ئاڤاهیێ پهرلهمانى ل ژڤانێ چوونێ نه بۆ ژوور بۆ دهستپێكرنا روینشتنا پهرلهمانى.
بودجهیا ئیراقێ بۆ سالا 2023 وهك مهزنترین بودجه د دیرۆكا ئیراقێ دا ل گۆرهى ژمارهیان دهێته هژمارتن كو قهبارهیێ وێ پتره ژ 200 ترێلیۆن دینارن.
ژ بهرى نوكه خواندنا ئێكێ و دوێ بۆ بودجهى هاتیه كرن لێ دهمهكه ژ بهر جوداهیا بۆچوونێن لایهنان ل دۆر هندهك بڕگهیێن وێ نهكهفتبوو بهر دهنگدانێ.