كۆمبوونا لژنهیا دارایى ل دۆر بودجهیێ دهستپێكر
گاڤ
كۆمبوونا لژنهیا دارایى یا پهرلهمانێ ئیراقێ بۆ دهنگدانێ ل سهر بودجهیا گشتى یا ئیراقێ بۆ سالێن 2023، 2024 و 2025 دهستپێكر.
ژێدهرهكێ بۆ گاڤ راگههاند؛ كۆمبوونا لژنهیا دارایى یا پهرلهمانى بۆ دهنگدانێ ل سهر پرۆژهیاسایا بودجهیێ ب بهرههڤبوونا محهمهد حهلبووسى سهرۆكێ پهرلهمانى، محسن مهندهلاوى جێگرێ ئێكێ و شاخهوان عهبدوللا جێگرێ دوێ دهستپێكر و د نوكه دا بهردهوامه و تێدا دێ شوینتبلێن دویماهیێ ل سهر رهشنڤیسا پرۆژهیاسایا بودجهى هێنه دانان و دهنگدان ل سهر هێته كرن.
پشتى ب دویماهیك هاتنا دهنگدانا لژنهیا دارایى، دێ بودجه بۆ سهرۆكاتیا پهرلهمانى هێته رهوانهكرن دا كو د ئهڤ شهڤه دا دهنگدان ل سهر بهێته كرن.
ههڤدهم پهرلهمانتارێن ئیراقێ ل ههمبهر ئاڤاهیێ پهرلهمانى ل ژڤانێ چوونێ نه بۆ ژوور بۆ دهستپێكرنا روینشتنا پهرلهمانى.
بودجهیا ئیراقێ بۆ سالا 2023 وهك مهزنترین بودجه د دیرۆكا ئیراقێ دا ل گۆرهى ژمارهیان دهێته هژمارتن كو قهبارهیێ وێ پتره ژ 200 ترێلیۆن دینارن.
ژ بهرى نوكه خواندنا ئێكێ و دوێ بۆ بودجهى هاتیه كرن لێ دهمهكه ژ بهر جوداهیا بۆچوونێن لایهنان ل دۆر هندهك بڕگهیێن وێ نهكهفتبوو بهر دهنگدانێ.