گاڤ

پۆلیسێن مه‌كسیكێ راگه‌هاند، ژ ئه‌نجامێ كه‌فتنا پاسه‌كێ د نەهاله‌كێ دا ل ویلایه‌تا ئۆچاكا ل باشۆرێ مه‌كسیكێ 27 كه‌سان ژیانا خۆ ژ ده‌ست دا و داواكارێ گشتى ژى دبێژیت: كێشه‌یا روودانێ ته‌كنیكى بوو.

بێرناردۆ رۆدیریگێز، داواكارێ گشتى یێ ئۆچاكا راگه‌هاند، ژ ئه‌گه‌را كه‌فتا پاسه‌كێ د نە‌هاله‌كێ دا ل ویلایه‌تا ئۆچاكا ل باشۆرێ مه‌كسیكێ 27 كه‌سان ژیانا خۆ ژ ده‌ست دایه‌ و ئاشكراكر، 17 كه‌س ژى بریندار بووینه‌ و ئه‌گه‌رێن روودانێ ژى بۆ كێشه‌یێن ته‌كنیكى ڤه‌گه‌ڕاندینه‌.

ژ ئالیێ خۆ ڤه‌ ئاژانسا پاراستنا شارستانى ل مه‌كسیكێ دبێژیت: شه‌ش ژ برینداران هه‌ر ژ ده‌ما بۆ نه‌خۆشخانێ هاتینه‌ ره‌وانه‌كرن بێهۆشن و ره‌وشا ژیانا وان د مه‌ترسیێ دایه‌.