گاڤ – تایبه‌ت
د 5 هه‌یڤێن بوورى دا ل پارێزگه‌ها دهۆكێ 456 كه‌س تووشى نه‌خۆشیا په‌نجه‌شێرێ بووینه‌ و ب تنێ ل هه‌یڤا 5 یا ئه‌ڤساله‌ 117 حاله‌ت هاتینه‌ تۆماركرن.
د. شلێر عه‌بدولره‌حمان، سه‌رۆكا سه‌نته‌رێ په‌نجه‌شێرێ ل پارێزگه‌ها دهۆكێ بۆ گاڤ ئامارا پێنج مه‌هێن بۆرى یێن نه‌خۆشیا په‌نجه‌شێرێ راگه‌هاند و دیاركر؛ د وان پێنج مەهان دا 456 حالەتێن پەنجەشێرێ هاتینە تۆمارکرن و د وان 5 هه‌یڤان دا 26 كه‌سان ب په‌نجه‌شێرێ ژیانا خۆ ژ ده‌ست دایه‌، لێ ب گۆتنا وێ نۆشدارێ بێگومان رێژه‌ ژ ڤێ هه‌ژمارێ زێده‌تره‌، ژبه‌ركو هنده‌ك ده‌رخستنا شه‌هاده‌ت وه‌فاتێ گیرۆ دكه‌ن و هنده‌ك ژى شه‌رم ژ نه‌خۆشیێ دكه‌ن، له‌و ژمارا دروست دیار نابیت.
ژ ئالیێ خۆ ڤە ژی د. چەکدار ئەحمەد، هاریکارێ سەرۆکێ سەنتەرێ پەنجەشێرێ بۆ گاڤ گۆت: پترین ئامارا تۆمارکرنا حالەتێن پەنجەشێرێ ل پارێزگەها دهۆکێ ل سالا 2022 ئانكو پار بوویه‌، هاتینە تۆمارکرن کو 1430 حالەت بوون و د ناڤ وێ ئامارێ دا حالەتێن ئاوارە و پەنابەر و خەلکێ هندەک دەڤەرێن پارێزگەها نەینەوا ژی هاتینە تۆمارکرن.