گاڤ

ل گه‌ل ڤه‌كرنا ده‌رگه‌هێن بازارێن ئاسیا ئه‌ڤرۆ سپێدێ بهایێ په‌ترۆلێ داكه‌فت، زێڕ ژى داكه‌فت و دووركه‌فت ژى ژ بلندبوونا پێشبینیكرى یا هه‌یڤا بۆرى.

ئه‌ڤرۆ سپێدێ 17-7-2023یێ و ل گه‌ل ڤه‌كرنا ده‌رگه‌هێن بازارێن ئاسیا بهایێ په‌ترۆلێ ب 79 دۆلار و 15 سه‌نتان بازار پێ هاته‌كرن، تێكساسا ئه‌مریكا ژى ب 67 سه‌نتان داكه‌فتیه‌ و ب 74 دۆلار و 75 سه‌نتان بازار پێ هاتیه‌كرن.

بهایێ هه‌ر ئونسه‌یه‌كا زێڕى ژى ئه‌ڤرۆ سپێدێ ب رێژه‌یا 0.2%ێ ژ بهایێ خۆ ژ ده‌ست دایه‌ و هه‌ر ئونسه‌یه‌ك ب 1951 دۆلاران كڕین و فرۆشتن پێ هاتیه‌كرن.

حه‌فتیا بۆرى 1.6%ێ بلندبوو، گه‌هشته‌ 1960 دۆلاران لێ بلندبوونا وى نه‌شیا به‌رده‌وام بیت و جاره‌كا دى دووركه‌فت ژ بلندبوونا پێشبینكرى یا مه‌ها بۆرى.