د ههیڤا بۆرى دا ئیراقێ ب بهایێ ملیار دۆلاران كهلوپهل ژ تركیا كرینه
09/30/2023 - 11:41
دهستهیا ئامارا تركیا راگههاند، ئیراق سێیهم وهلاتێ هاوردهكار یێ كهلوپهلێن تركیایه و د ههیڤا بۆرى ب تنێ دا ب بهایێ ئێك ملیار دۆلاران كهلوپهل ژ تركیا كرینه.
ل گۆرهى راپۆرتهكا دهستهیا ئامارا تركیا، داهاتێ هنارتنا كهلوپهلێن تركیا بۆ دهرڤه ل ههیڤا بۆرى تهباخێ21 ملیار و 615 ملیۆن دۆلار بووینه، بەراورد ب ههمان ههیڤا سالا بۆرى ب رێژەیا 1.6٪ بلندبوویه.
دهستهیا ئامارا تركیا ئاشكرا كر ژى، ههر ئێك ژ ئهلمانیا و پشتێ وێ ئهمریكا ل رێزا ئێكێ و دووێ یا وهلاتێن هاوردهكارێن كهلوپهلێن تركیا دهێن، ئیراق ژى ل رێزا سێیێ پشتى ئهمریكا دهێت.
دهێته زانین، پشتهبهستنا سهرهكى یا ئیراقێ بۆ دابینكرنا كهلوپهلان و پێدڤیێن ناڤخۆ لسهر وهلاتێن دهردۆر ب تایبهتى، تركیا، ئیران و ئوردنێ یه.