نێزیكى 20% یا ترۆمبێلێن تهكسى ل دهۆكێ سیستهمێ غازێ دانایه و بهرهڤانیا باژێڕى هۆشداریێ ددهت
گاڤ – تایبهت
شۆفێرین سیستهمێ غازێ ل شوینا پانزینێ داناین ژ پهقینا ترۆمبێلێن خۆ دترسن و بهرهڤانیا باژێرى ل دهۆكێ دبێژیت: مهترسیهكا جددى ل سهر وان ترۆمبێلان ههیه.
پشتى رویدانێن پهقینا تانكێن غازێ ل سلێمانى و دهۆكێ كو تێدا پترى 20 كهسان ژیانا خۆ ژ دهستدا و ب دههان كهسێن دى برینداربوون. ب بڕیارا سهرۆكێ حكومهتێ كاركرن ب سیستهمێن غازێ هاتیه راگرتن. لێ رێژهیهكا مهزن یا ترۆمبێلێن تهكسى ل شوینا پانزینێ تانكێن غازێ داناینه.لێ پشتى ڤان رویدانان شۆفێر ژ پهقینا ترۆمبێلێن خۆ د ترسن.
خودانێ كۆمپانیهكا گرێدانا تانكێن غازێ ل دهۆكێ بۆ گاڤ دبێژیت، نێزیكى 15 بۆ 20% ترۆمبێلێن تهكسى ل دهۆكێ سیستهمێ غازێ دانایه و دبێژیت: مهترسى ل سهر وان ترۆمبێلان نینه.
لێ بهرهڤانیا باژێڕى ل دهۆكێ بۆ گاڤ دبێژیت، ب چ رهنگان نابیت سیستهمێ غازێ ل ترۆمبێلێن ب پانزینێ كار دكهن بهێته زێدهكرن، بێوار عهبدولعهزیز، پهیڤدارێ بهرهڤانیا باژێڕى دبێژیت: نابیت ههر ئێك ژلایێ خۆ ڤه رابیت بتلهكێ غازێ ل ترۆمبێلهكێ زێدهبكهت و ب گۆتنا وى، مهترسیهكا جددى ل سهر وان ترۆمبێلان و كهسێن تێدا ههیه.
رێڤهبهریا بهڕهڤانیا باژێڕى دا زانین ژى، ل نێزیك دێ رێنما بۆ ترۆمبێلێن سیستهمێ غازێ لێ هاتینه زێدهكرن هێنه دهرخستن داكو ژیانا چ وهلاتیان نهكهڤیته د مهترسیێ دا.