سه‌رۆك نێچیرڤان بارزانى و شانده‌كێ سێقۆلى دێ سه‌ره‌دانا سه‌درى كه‌ن
گاڤ نيوز – تایبه‌ت
سه‌رۆكێ نێچیرڤان بارزانى ب هه‌ڤالینیا شانده‌كێ سێقۆلى ژ سوننه و شیعه‌یان دێ سه‌ره‌دانا حه‌نانه كه‌ن و ل گه‌ل رێبه‌رێ ره‌وتێ سه‌در كۆم بن.
كوردستانێ و سه‌رۆكێ هه‌ڤپه‌يمانيا فه‌تح و سه‌رۆكێ په‌رله‌مانێ ئيراقێ دێ سه‌ره‌دانا
عه‌قيل ردێنى، سه‌ركرده‌یێ هه‌ڤپه‌يمانيا نه‌سر راگه‌هاند؛ شانده‌كێ سێقولێ كو ژ نێچيرڤان بارزانى سه‌رۆكێ هه‌رێما كوردستانێ، هادى عامرى سه‌رۆكێ هه‌ڤپه‌يمانيا فه‌تح و محه‌مه‌د حه‌لبووسى سه‌رۆكێ په‌رله‌مانێ ئيراقێ پێكدهێت، دێ سه‌ره‌دانا حه‌نانه ل نه‌جه‌فێ كه‌ن ژ بۆ كۆمبوونێ ل گه‌ل موقته‌دا سه‌در رێبه‌رێ ره‌وتێ سه‌درى.
ردێنى دیار ژى كر، د كۆمبوونا ل گه‌ل سه‌درى دا، دێ شاندێ سێقولى بزاڤان كه‌ت ل گه‌ل سه‌درى بگه‌هنه لێكتێگه‌هشتن و رێككه‌فتنێ ل دۆر پێكئينانا حكومه‌تا بهێت و ره‌وشا ئيراقێ ب گشتى و ب تايبه‌ت كو عامرى ژ لايێ چارچووڤه‌يێ هه‌ماهه‌نگيێ ڤه بۆ دانوستاندنان ل گه‌ل سه‌درى هاتيه راسپاردن.
گاڤ زانیه سه‌ره‌دانا شاندێ سێ قۆلى بۆ حه‌نانه ل سه‌ر راسپارده‌یا سه‌رۆك بارزانى یه و سه‌رۆك نێچیرڤان بارزانى دێ ب نوینه‌راتیا سه‌رۆك بارزانى و ئالیێن كوردستانى هه‌ڤالینیا شاندێ كه‌ت.