گاڤ

د نویترین راپرسى دا ل ئه‌مریكا، به‌ربژارێ دیمۆكراتان بۆ سه‌رۆكاتییا ئه‌مریكا ب جوداهییه‌كا كێم به‌رى به‌ربژارێ كۆمارییایه‌.

ل رۆژا 5ى چرییا دوێ یا بهێت دێ هه‌لبژارتنێن سه‌رۆكاتییا ئه‌مریكا هێنه‌ كرن و تێدا هه‌ڤڕكییه‌كا مه‌زن دناڤبه‌را جۆ بایدن سه‌رۆكێ نوكه‌ و به‌ربژارێ پارتا دیمۆكراتى و دۆنالد ترامپ سه‌رۆكێ به‌رێ یێ ئه‌مریكا و به‌ربژارێ پارتا كۆمارى دا هه‌بیت.

ل گۆره‌ى راپرسییه‌كا ژ لایێ رۆیته‌رز/ئیپسۆس ڤه‌ هاتیه‌ ئه‌نجامدان؛ جۆ بایدن ب جوداهییا خاله‌كا سه‌دى به‌رى دۆنالد ترامپى یه‌.

د راپرسییێ دا ئه‌وا ل ئه‌مریكا بۆ ده‌مێ دو رۆژان به‌رده‌وام بووى، نێزیكى 40% ژ پشكداران دیاركرن كو ئه‌گه‌ر هه‌لبژارتن ئه‌ڤرۆ بهێنه‌ كرن ئه‌و دێ ده‌نگى ب بایدنى ده‌ن.

د به‌رانبه‌ر دا، 39% ژ پشكدارێن راپرسییێ دیاركرینه‌ كو ئه‌گه‌ر هه‌لبژارتن ئه‌ڤرۆ بهێنه‌ كرن ئه‌و دێ ده‌نگى ب ترامپى ده‌ت.

د راپرسییه‌كا دى یا به‌رى نوكه‌ یا رۆیته‌رز/ئیپسۆس دا ل ده‌مێ دناڤبه‌را 4 هه‌تا 8ى نیسانێ ژى دا، بایدن ب چار خالان به‌رى ترامپى بوو.