بلۆمبێرگ: توركیا پهیوهندیێن خۆ یێن بازرگانى ل گهل ئسرائیلێ راوهستاندن
گاڤ
ئاژانسهكا جیهانى راگههاند؛ توركیا ههمى كریارێن هناردهكرن و هاوردهكرنێ ل گهل ئسرائیلێ راگرتن.
ئاژانسا بلۆمبێرگ ئهڤرۆ پێنجشهمبیێ ژ هندهك بهرپرسێن توركى ڤهگوهاستیه "توركیا پهیوهندیێن خۆ یێن بازرگانى ل گهل ئسرائیلێ راگرتن".
ل گۆرهى وان بهرپرسێن توركى "توركیا ههمى كریارێن هناردهكرن و هاوردهكرنێ ل گهل ئسرائیلێ راوهستاندن".
تا نوكه دهستههلاتێن توركى چ داخۆیایێن فهرمى ل دۆر ڤى بابهتى بهلاڤ نهكرینه، ل دهمهكێ ههر ژ دهستپێكا شهڕى ل غهزه ل 7ى ئوكتۆبهرا سالا بۆرى تا نوكه پتر ژ جارهكێ سهركردهیێن ههردو وهلاتان رهخنه ل ئێكودو گرتینه ههرچهنده پهیوهندیێن بازرگانى دناڤبهرا وان دا د بهردهوام بوون.
ل ههیڤا چرییا دوێ یا سالا بۆرى، عومهر بۆلات وهزیرێ بازرگانییێ یێ توركیا راگههاند بوو كو ههر ژ دهستپێكا شهڕى ل غهزه تا وى دهمى ئالوگۆرییا بازرگانى دناڤبهرا توركیا و ئسرائیلێ دا ب رێژهیا 50% ب ههڤبهركرن ل گهل سالا بهرى وێ كێمبوویه.