گاڤ

ئێك ژ ناڤدارترین نوشدارێن ددانان فه‌یسه‌ل حه‌وێزى، ژلایێ دزانڤه‌ د مالا ویڤه‌ ده‌ست و پێن وى هاتینه‌ گرێدان، پاشى هاتییه‌ كوشتن، پاره‌ و مالێ وى ژى هاتینه‌ دزین.

هێزێن ئێمناهیێ یێن ئیراقێ ته‌رمێ نوشدارێ ناڤدار یێ خانه‌نشینكرى فه‌یسه‌ل حه‌وێزى ل باژێڕێ نه‌جه‌ف د مالا ویڤه‌ دیت كو ب بابێ نوشدارێن ددانان دهاته‌ ناسین و ب ره‌نگه‌گێ دڕندانه‌ ژلایێ دزانڤه‌ هاتییه‌ كوشتن.

ل گۆره‌ى ژێده‌ران و ڤه‌كۆلینێن ده‌ستپێكێ یێن هێزێن ئێمناهیێ،  پشتى دز دچنه‌ د مالا وى نوشدارى ڤه‌ ل باژێڕێ نه‌جه‌فێ ده‌ست و پێن وى هاتینه‌ گرێدان و پاشى ب ره‌نگه‌كێ دڕاندانه‌ هاتییه‌ كوشتن و جهێ گوولله‌یان ل ئه‌نیا وى بووینه‌.

هه‌ر ل گۆره‌ى ژێده‌رێن ئێمناهیێ، د ڤه‌كۆلینان دا دیاربوویه‌ پشتى كوشتنا فه‌یسه‌ل حه‌وێزى كو ناڤدارترین نوشدارێ ددان بوو ل ئیراقێ پاره‌ و مالێ وى ژى هاتینه‌ دزین و ل گۆره‌ى ڤه‌كۆلینان دیار بوویه‌ كه‌سێن ئه‌و نوشدار كوشتى دز بووینه‌.