هناردهكرنا بهرههم و كهلوپهلێن توركى بۆ ئیراقێ ب رێژهیا 32% زێدهبوویه
گاڤ
هناردهكرنا بهرههم و كهلوپهلێن توركى بۆ ئیراقێ د چارێكا ئێكێ یا ئهڤ ساله 2024 دا ب رێژهیا 32% ل سهر بنیاتهكێ سالانه زێدهبوویه.
سازییا ئیراقا پاشهرۆژێ یا لێكۆلین و شیرهتكاریێن ئابوورى راگههاند؛ د چارێكا ئێكێ یا سالا 2024 دا، هناردهكرنا بهرههم و كهلوپهلێن توركى بۆ ئیراقێ ب رێژهیا 32% ب ههڤبهركرن ل گهل چارێكا ئێكێ یا سالا 2023 زێدهبوویه.
سازییێ د بهیانهكێ دا ئهڤرۆ ئهینییێ راگههاندیه "توركیا د چارێكا ئێكێ یا ئهڤ ساله دا ب بهایێ 2.964 ملیار دۆلاران كهلوپهل هناردهى ئیراقێ كرینه ل دهمهكێ د چارێكا ئێكێ یا سالا 2023 دا ب بهایێ 2.245 ملیار دۆلاران كهلوپهل هناردهى ئیراقێ كربوون".
دیار ژى كریه "هناردهكرنا كهرهستهیێن خوارنێ و ب تایبهت ئارى ژ توركیا بۆ ئیراقێ ب رێژهیا 31.19% زێدهبوویه".
ل گۆرهى وێ سازییێ "هناردهكرنا ئامیرهیان و ئالاڤێن ڤهگوهاستنێ ژ توركیا بۆ ئیراقێ ب رێژهیا 35.64% زێدهبوویه، هناردهكرنا ماددهیێن جودا جودا ب رێژهیا 49.10% زێدهبوویه و هناردهكرنا پیشهسازییێن سهرهكى ب رێژهیا 20.23% زێدهبوویه".