188 كهسان د لههییێن كینیا دا گیانێ خۆ ژدهستداینه
گاڤ
ژ بهر بارانێن دژوار و لههییان و سهررێژبوونا هندهك بهنداڤان، 188 كهسان ل وهلاتێ كینیا ل كیشوهرێ ئهفریكا گیانێ خۆ ژدهستداینه.
بۆ دهمێ نێزیكى دو حهفتیانه، بارانێن دژوار و لههی ل وهلاتێ كینیا ل رۆژههلاتێ ئهفریكا د بهردهوامن و ژمارهیهكا كهسان تێدا بووینه قۆربانى و ب دههان هزار كهس نهچاربووینه ژ جهێن خۆ ئاواره ببن.
ئاژانسان ئهڤرۆ ئهینییێ بهلاڤكرینه؛ 188 كهسان ل كینیا ژ بهر لههییان و سهررێژبوونا هندهك بهنداڤان گیانێ خۆ ژدهستداینه و 124 كهسێن دى ژى بریندار بووینه.
ل گۆرهى دهستههلاتێن كینیا؛ 90 كهسێن دى ژى ژ بهر لههییان د بێسهروشوینن و پتر ژ 165 هزار كهسان ئاواره بووینه.
ههڤدهم ل گهل رهوشا سهقاى، دهستههلاتدارێن كینیا بڕیارا داخستنا ههمى قۆتابخانهیان ههتا رۆژا 6ى ڤێ ههیڤێ داینه.
ههروهسا كۆمپانیا هێلێن ئاسنى یا كینى بڕیارا راگرتنا خزمهتگۆزاریێن خۆ ل سهرانسهرى وهلاتى دایه.