ئیداره‌یا به‌نداڤا ده‌ربه‌ندیخان بۆ وه‌لاتییان: خۆ ژ رویبارێ سیروان دویربێخن
05/03/2024 - 20:33
بەلاڤ بکە
گاڤ
هه‌ڤده‌م ل گه‌ل پێلا باران بارینێ ل هه‌رێما كوردستانێ، ئیداره‌یا به‌نداڤا ده‌ربه‌ندیخان وه‌لاتییان ئاگه‌هدار دكه‌ت خۆ ژ رویبارێ سیروان دویربێخن.
ئیداره‌یا به‌نداڤا ده‌ربه‌ندیخان ئه‌ڤرۆ ئه‌ینییێ راگه‌هاند "داخوازێ ژ وه‌لاتییان دكه‌ین خو ژ رویبارێ سیروان دویربێخن".
ئاشكرا ژى كریه "ژ به‌ر بارانێن به‌رده‌وام، ئاڤا رویبارى گه‌له‌ك زێده دبیت و مه‌ترسى ل سه‌ر گوند و جهێن گه‌شتیارى یێن ل سه‌ر رویبارى هه‌یه".
ئاماژه ب وێ چه‌ندێ ژى كریه "د نوكه دا 25 سه‌نتیمتر بۆ سه‌ررێژبوونا ئاڤا به‌نداڤێ ماینه و ڤه‌كرنا ئێك ژ ده‌رگه‌هێن وێ بۆ هندێ یه دا كو هه‌ڤسه‌نگى دناڤبه‌را ئاڤا دناڤ به‌نداڤێ دا و ئه‌و ئاڤا ژ به‌ر بارانێ دهێته دناڤ دا په‌یدا ببیت".
