سه‌قاناسى: بارانێن دژوار ئه‌ڤ شه‌ڤه تا سپێدێ دێ بارن
بەلاڤ بکە
گاڤ
سه‌قاناسییا هه‌رێما كوردستانێ راگه‌هاند؛ بارانێن دژوار ئه‌ڤ شه‌ڤه تا سپێدێ دێ بارن و داخواز ژ وه‌لاتییان كر د ئاگه‌هدار بن ژ خۆ.
دیلان ره‌شاد په‌یڤدارێ وه‌زاره‌تا ڤه‌گوهاستن و گه‌هاندنێ یا هه‌رێما كوردستانێ راگه‌هاند "ل گۆره‌ى پێشبینییێن پشكا سه‌قاناسییێ د وه‌زاره‌تا ڤه‌گوهاستن و گه‌هاندنێ دا، هه‌ر ژ ده‌مژمێر 1ى ئه‌ڤ شه‌ڤه تا ده‌مژمێر 9ى سپێدێ بارانێن دژوار ل سه‌نته‌رێن باژێڕان و ب تایبه‌ت ل پارێزگه‌ها دهۆكێ، ده‌شتا هه‌ولێرێ، كۆیه، ئیداره‌یا گه‌رمیان، ئیداره‌یا راپه‌رین، دۆكان و پارێزگه‌ها سلێمانیێ دێ بارن".
هه‌روه‌سا داخواز ژ وه‌لاتییان كریه د ئاگه‌هدار بن و خۆ ژ هه‌ر زیانه‌كا گیانى و ماددى دویربێخن.
بۆ ده‌مێ چه‌ند رۆژایه پێله‌كا بارانێن دژوار گه‌هشتییه هه‌رێما كوردستانێ و ده‌ڤه‌رێن دى یێن ئیراقێ و پێشبینى دهێته كرن بۆ ده‌مێ چه‌ند رۆژێن دى ژى به‌رده‌وام بیت.
