سه‌رۆك نێچیرڤان بارزانى سه‌ره‌خۆشییێ ل خێزان و كه‌سوكارێن چار چیاڤانێن قه‌ره‌داغ دكه‌ت
بەلاڤ بکە
گاڤ
سه‌رۆكێ هه‌رێما كوردستانێ سه‌ره‌خۆشى ل خێزان و كه‌سوكار و دوستێن وان چار چیاڤانان كر یێن ئه‌ڤرۆ ل قه‌ره‌داغ گیانێ خۆ ژده‌ستداین.
د پرسه‌نامه‌یه‌كا سه‌رۆك نێچیرڤان بارزانى دا هاتیه "پرسه و سه‌ره‌خۆشییێن خۆ یێن كویر ئاراسته‌ى خێزان و كه‌سوكار و دوستێن وان چار چیاڤانان دكه‌م یێن ب مخابنى ڤه ئه‌ڤرۆ د رویدانه‌كا دلته‌زین دا ل سنوورێ قه‌زایا قه‌ره‌داغ ل پارێزگه‌ها سلێمانیێ گیانێ خۆ ژده‌ستداین".
تێدا هاتیه ژى "ئه‌ز هه‌ڤسۆز و هه‌ڤخه‌مێ وانم، خۆدێ مه‌زن وان ب میهره‌بانییا خۆ شاد بكه‌ت و ئارامییێ بده‌ته هه‌مییان".
سه‌رۆكێ هه‌رێمێ دیار ژى كریه "د سه‌قایێ دژوار یێ وه‌كى ڤان رۆژان دا، پێدڤییه هه‌مى پتر ئاگه‌هدارى خۆ بن و پێگیرییێ ب رێنمایى و هوشیاركرنێن لایه‌نێن په‌یوه‌ندیدار و رێكارێن خۆپارێزییێ بكه‌ن دا كو سلامه‌تییا هه‌مییان یا پاراستى بیت".
ژ به‌ر له‌هییان، ئه‌ڤرۆ چار چیاڤانان ل قه‌زایا قه‌ره‌داغ ل سنوورێ پارێزگه‌ها سلێمانیێ گیانێ خۆ ژده‌ستدابوون.
