كۆچكهكا دیرۆكى ل بهلجیكا دێ ب بهایێ 10 یۆرۆیان هێته فرۆشتن
05/03/2024 - 23:43
گاڤ
كۆچكهك ل بهلجیكا كو دیرۆكا وێ بۆ چهرخێ ههژدێ ڤهدگهڕیت دێ ب رێكا بهریكانهیهكا پشككێشانێ ب بهایێ 10 یۆرۆیان هێته فرۆشتن.
ژ بۆ بدهستڤهئینانا وێ كۆچكێ، ل سهر ههر پشكدارهكێ بهریكانهیێ پێدڤییه پلێتهكێ ب بهایێ 10 یۆرۆیان بكڕیت و بهرسڤا هندهك پرسیاران ل دۆر دیرۆكا وێ كۆچكێ بدهت.
ئهگهر چ كهس نهشیان بهرسڤا دروست بدهن، دێ ئۆفهرا فرۆشتنا وێ كۆچكى هێته ههلوهشاندن.
دیرۆكا وێ كۆچكێ بۆ چهرخێ 18ێ ڤهدگهڕیت و بهرى نوكه پۆل هێنرى سهرۆكوهزیرێ بهرێ یێ بهلجیكا تێدا ژیابوو.
كۆچك ژ 19 ژوورێن نڤستنێ، 8 سهرشوویان و مهلهڤانگهههكێ پێكدهێت و رووبهرێ وێ 6700 مترێن چارگۆشهنه.