وه‌زیرێ په‌ترۆلا ئیراقێ ب میدییاین ئیراقی راگه‌هاند: دو لژنه‌ین یاسایى و ته‌كنیكى یێن هه‌ڤپشك دگه‌ل هه‌رێما كوردستانێ هاتینه‌ پێكئینان بۆ راده‌ستكرنا دۆسیه‌یا په‌ترۆلێ ب وه‌زاره‌تا پترۆلا ئیراقێ و هنارتنا په‌ترۆلێ ب رێكا كۆمپانییا سۆمۆ.

ل گوره‌ى وه‌زیرێ په‌ترۆلا ئیراقێ حه‌یان عه‌بدولغه‌نى، دڤێت دڤێ حه‌فتییێ دا دانوستاندن بگه‌هنه‌ ئه‌نجامه‌كى، پترۆلا هه‌رێما كوردستانێ ب ئێك جارى راده‌ستى وه‌زاره‌تا پترۆلا ئیراقێ بهێته‌ كرن.دیاركر ژى، لژنه‌ پێكهاتینه‌ ژ نوینه‌رێن هه‌ردو وه‌زاره‌تێن پترۆلێ و سامانێن سرۆشتیێن  یێن هه‌رێمێ وبه‌غدایێ.

حەیان عەبدولغەنی راگه‌هاند ژى، نها به‌رهه‌مێ په‌ترۆلا هه‌رێما كوردستانێ رۆژانه ‌375 هزار به‌رمیلن، ژ وێ رێژه‌یێ رۆژانه‌ 46 هزار به‌رمیل ب كار دهێن بۆ بگه‌رخستنا پارزنینگه‌هـان، 329 به‌رمیل ژى دمینن، ئه‌ڤه‌ ئه‌و رێژه‌یه‌ كو‌ دڤێت بۆ وه‌زاره‌تا په‌ترۆلا حكومه‌تا فیدرالى بهێته‌ راده‌ستكرن و ب رێكا كۆمپانیا سۆمۆ بۆ ده‌رڤه‌یى وه‌لاتى بهێته‌ هنارتن.