"د پرۆژه‌یێ هه‌ژمارا من دا وه‌لاتى ب حه‌زا خۆ به‌نكێن وان دڤێن دێ هه‌لبژێرن"
بەلاڤ بکە
گاڤ
جێگرێ رێڤه‌به‌رێ نڤیسینگه‌ها سه‌رۆكوه‌زیرێ هه‌رێمێ راگه‌هاند؛ د پرۆژه‌یێ هه‌ژمارا من دا، وه‌لاتى د هه‌لبژارتنا به‌نكێن وان دڤێت مامه‌له‌یێ ل گه‌ل بكه‌ن دا د سه‌رپشكن.
مالپه‌رێ حكومه‌تا هه‌رێما كوردستانێ ئه‌ڤرۆ شه‌مبییێ ژ عه‌زیز ئه‌حمه‌د ڤه‌گوهاستییه "ئارمانجا سه‌ره‌كى یا مه ژ پرۆژه‌یێ هه‌ژمارا من ئه‌وه وه‌لاتى د هه‌لبژارتنا وان به‌نكان دا یێن وان دڤێت مامه‌له‌یێ ل گه‌ل بكه‌ن د سه‌رپشك بن".
جێگرێ رێڤه‌به‌رێ نڤیسینگه‌ها سه‌رۆكوه‌زیرى دیار ژى كر "د ڤى بابه‌تى دا، مه نه‌ڤێت قۆرخكارییا به‌غدا هه‌بیت و نه ژى قۆرخكارییا حكومه‌تا هه‌رێما كوردستانێ هه‌بیت، به‌لكو ب به‌روڤاژى، مه دڤێت پترین بژارده‌یان ژ به‌نكێن حكومى، ئیسلامى، نێڤده‌وله‌تى و تایبه‌ت بێخینه به‌رده‌ستێ وه‌لاتییان".
ناڤهاتى پاشى ئاخفتنه‌ك ئاراسته‌ى پشكه‌ك ژ ده‌زگه‌هێن راگه‌هاندنێ كر و گۆت "ب خۆشحالى ڤه، پێشوازییێ ل ده‌زگه‌هێن راگه‌هاندنێ دكه‌ین و به‌رسڤا هه‌مى پرسیار و تێبینییان ل سه‌ر پرۆژه‌یێ هه‌ژمارا من دده‌ین، چونكى زانیاریێن شاش و سه‌خته زیانێ دگه‌هیننه هه‌مییان، هه‌رده‌م به‌لاڤكرنا راستییان باشتره".
