گاڤ
سه‌قاناسییا هه‌رێما كوردستانێ پێشبینیكر ئه‌ڤ شه‌ڤه‌ برویسى و تاڤییێن بارانێ ل سنوورێ پارێزگه‌ها دهۆكێ و ئیداره‌یا سه‌ربخۆ یا زاخۆ و ژماره‌یه‌كا ده‌ڤه‌رێن دى یێن هه‌رێمێ هه‌بن.
سه‌قاناسییێ د به‌یانه‌كێ دا راگه‌هاند "بۆ ئه‌ڤ شه‌ڤه‌ ئاسمانێ هه‌رێمێ دێ دناڤبه‌را نیمچه‌ عه‌ور بۆ عه‌ورێن ته‌مام دا بیت".
دیار ژى كریه‌ "پێشبینییا هه‌بوونا برویسییان و تاڤییێن بارانێ ل سنوورێ پارێزگه‌ها دهۆكێ، ئیداره‌یا سه‌ربخۆ یا زاخۆ، ئیداره‌یا سه‌ربخۆ یا سۆران و ده‌ڤه‌رێن چیایى یێن پارێزگه‌ها هه‌ولێرێ دهێته‌ كرن".
ئاماژه‌ ب وێ چه‌ندێ ژى كریه‌ "هه‌روه‌سا د ده‌مێن سپێدێ زوى دا ل سنوورێ پارێزگه‌ها هه‌ولێرێ، ده‌لیڤه‌یا تاڤییه‌كا بارانێ یا دومكورت هه‌یه‌".
ل دۆر رێژه‌یێن بارانبارینێ د 12 ده‌مژمێران دا ژ ده‌مژمێر 9ى سپێدێ هه‌تا 9ى شه‌ڤێ راگه‌هاندیه‌ "ل دهۆكێ 16.5 ملیمێن بارانێ، ل زاخۆ 28 ملم، ل ئاكرێ 6 ملم، ل ئامێدیێ 5.8 ملم، ل بامه‌رنێ 4.4 ملم، ل پیرمام 33.5 ملم، ل شه‌قلاوه‌ 16.7 ملم، ل سۆران 8.2 ملم، ل حاجى ئۆمه‌ران 3.8 ملم و ل هه‌لشۆ 0.6 ملیمێن بارانێ بارینه‌".