ماسك ژ بڕيارهكا خۆ لێڤه نابيت
گاڤ نيوز
رێڤهبهرێ نوى يێ كۆمپانيا تويتهرى راگههاند كو ئهو ژ بڕيارا خۆ يا وهرگرتنا 8 دولاران ههيڤانه ژ خۆدانێن ئهكاونتێن نيشانا شين ’ڤێريفيكهيشن’ ههين، لێڤه نابيت.
پشتى بڕيارا ئيلۆن ماسك ب سهپاندنا 8 دولاران وهك بهايێ ههيڤانه ل سهر خۆدانێن ئهكاونتێن نيشانا شين ههين، ئهڤ بڕياره بوويه جهێ رهخنهيێ و دهنگڤهدانهكا مهزن.
ئيلۆن ماسك د بهرسڤا وان رهخنهيان د تويتهكا نوى دا راگههاند؛ بلا ئهو ل سهر نهرازيبوونێن خۆ د بهردهوام بن، لێ ل سهر وان پێدڤيه ههيڤانه ههشت دولاران بدهن.
ماسك ژ بهرى نوكه راگههاند بوو؛ خۆدانێن ئهكاونتێن نيشانا شين ههين، دێ شێن ڤيديۆ و تۆمارێن دهنگى يێن درێژتر بهلاڤكهن و دێ نيڤهكا ريكلامان د تۆرێ دا ل شوينا ههميان بينن.
ديار ژى كربوو؛ ههروهسا د كۆمێنت، ئاماژهدان و لێگهڕيانێ دا دێ پتر گرنگى ب خۆدانێن پرۆفايلێن نيشانا شين ههين ژ بكارهينهرێن دى هێته دان.