ناڤدارترين ياریزانێن پشكدارى مۆندیالێ نهبووین كينه؟
گاڤ نيوز
ل گهل دهستپێكرنا مۆنديالا قهتهر 2022 ژمارهيهكا مهزن ژ ستێرێن تهپاپێى ل جيهانێ ل گهل ههلبژارتيێن خۆ پشكدارى مۆنديالێ نهبوون، لێ د ههمان دهم دا حهزژێكهرێن تهپاپێى دێ ژ ديتنا ژمارهيهكا ستێران د مۆنديالێ دا بێبههر بن.
ئاژانسان بهلاڤكرينه؛ كهريم بنزێما ستێرا ههلبژارتيێ فرهنسا و يانهيا ريال مهدريد ژ بهر هنگافتنێ ژ ليستا ههلبژارتيێ فرهنسا هاته دويرئێخستن.
محهمهد سهلاح ياريزانێ مسرى يێ يانهيا ليڤهرپۆل ب ئێك ژ گرنگترين ياريكهرێن نهپشكدار د مۆنديالێ دا دهێته هژمارتن ئهو ژى پشتى دۆراندنا ههلبژارتيێ مسرێ د ڤاڤارتنێن ئهفريقيا دا بۆ مۆنديالێ ل سهر دهستێ ههلبژارتيێ سنيگالێ.
ههروهسا ئێرلينگ هالاند ياريزانێ نهرويجى و يانهيا مانچستهر سيتى يا ئنگليزى و گۆلكهرێ خۆلا ئنگلترا ب ئێك ژ ياريزانێن ناڤدار يێن نهپشكدار د مۆنديالێ دا دهێته هژمارتن پشتى ههلبژارتيێ وى دهربازنهبووى بۆ مۆنديالێ.
ههروهسا ساديۆ مانى ياريزانێ سنيگالى پشتى ل گهل يانهيا خۆ بايرن ميۆنخ تووشى هنگافتنێ بووى و نشتهرگهريهك بۆ هاتيه كرن، دێ ژ پشكداريێ د مۆنديالێ دا بێبههر بيت.
ههروهسا ههردو ستێرێن ههلبژارتيێ فرهنسا نگولو كانتى ياريكهرێ چێلسى و پۆل پۆگبا ياريكهرێ يوڤێنتۆس ژ بهر هنگافتنێ پشكداريێ د مۆنديالێ دا ناكهن.
مونديالا قهتهر 2022 ژ ئهڤرۆ 20/11/2022 تا كو 18/12/2022 دێ ل وهلاتێ قهتهر برێڤهچيت.