رۆژنامهیهكا ئیتالى: ئێمباپێ نزیكى ریال مهدرید دبیت
گاڤ
راپۆرتهكا رۆژنامهیهكا ئیتالى ئاماژه دایه پهیدابوونا هندهك پێشهاتێن نوى د بزاڤێن ریال مهدرید دا بۆ ئینانا كیلیان ئێمباپێ یێ فرهنسى بۆ دناڤ رێزێن خۆ دا.
ئێمباپێ یێ گرێدایه ب گرێبهستهكێ ل گهل پاریس سان جێرمان كو تا هاڤینا سالا بهێت 2024 بهردهوامه ل گهل ئوپشنێ نویكرنێ بۆ سالهكا زێده ب مهرجێ رازیبوونا ئێمباپێ.
رۆژنامهیا لاگازێتا دێلۆ سپۆرت یا ئیتالى بهلاڤكریه؛ ئێمباپێ گۆتیه فلۆرێنتینۆ پێرێز سهرۆكێ ریال مهدرید كو ئهو یێ بهرههڤه فشاران ل سهر ناسر خهلیفى سهرۆكێ پاریس سان جێرمان بكهت دا كو رێكێ بدهته وى بچیته دناڤ رێزێن یانهیا ریال مهدرید دا.
دیار ژى كریه "پێرێزى دڤێت ههڤدهم ل گهل ڤهكرنا یاریگهها سانتیاگۆ بێرنابێیۆ ب شێوهیێ وێ یێ نوى ل وهرزێ بهێت، ههڤبهستێ ل گهل یاریكهر و ستێرهكێ مهزن ئهنجامبدهت".
ربال مهدرید ژ بهرى نوكه د دو مێركاتۆیان دا بزاڤا گرێدانا ههڤبهستهكێ ل گهل ئێمباپێ كربوو.
جارا ئێكێ ئۆفهرا كڕینا وى بهرانبهر 180 ملیۆن یۆرۆیان پێشكێشى پاریس سان جێرمان كربوو، لێ یانهیا فرهنسى ل سهر رازینهببوو ههروهسا جارا دوێ بزاڤ كربوو كو ب ههروهیى وى ڤهگوهێزیت لێ كارگێریا یانهیا فرهنسى پاشى گرێبهستا وى نویكربوو.
راپۆرتان دیاركرینه كو ئێمباپێ ژ ئاستێ یانهیا فرهنسى د ئهڤ ساله دا یێ رازى نینه پشتى ژ قووناغا 16 یا چامپیۆنز لیگێ ههروهسا ژ جاما فرهنسا دهركهفتى و تووشى چهندین شكهستنان د خۆلا فرهنسا یا تهپاپێى دا بووى.