نهتهوهیێن ئێكگرتى: پترى 434 سودانى ئاواره و پهنابهر بووینه
گاڤ
نهتهوهیێن ئێكگرتى راگههاند، زێدهترى 334 هزار كهس ژ بهر شهڕێ ناڤخۆیی ل سودانێ ئاوارهبووینه، 100 هزار كهسان سودان بجهـ هێلایه.
ئهڤرۆ پۆل دیلۆن،پهیڤدارێ كۆچا نێڤدهولهتی سهر ب نهتهوهیێن ئێكگرتى ڤه، راگههاند، 334 هزار و 53 کەس ژبهر شهڕێ ناڤخۆیی ل سودانێ ئاوارهبووینه.
پۆل دیلۆن گۆت ژى، نێزیكى 72% كو دبنه 240 هزار كهس ل رۆژئاڤا و باشۆرێ دارفۆرێ ئاوارهبووینه، ههروهسا دیاركر هژمارا وان سودانیین ل دو ههفتیێن بۆرى ئاوارهبووین ژ هژمارا وان كهسان پترى یێن ژبهر ئالۆزین 2022ێ ئاوارهبووین.
ژلایێ خۆڤه ئۆلگا سارادۆ، پهیڤدارێ بلندێ نهتهوهیێن ئێكگرتى بۆ پهنابهران د كۆنفرانسهكێ رۆژنامهڤانى دا ل جنێف سویسرا راگههاند، دۆرێن 100 هزار پهنابهران سودان بهرهڤ وهلاتێن دهورروبهر بجهـ هێلابیت.
ئاژانسا پەنابەران سەر ب نەتەوێن ئێكگرتى ڤه ژى، پێشبینى دكهت پترى 800 هزار کەس ژبهر شهڕ و ئالۆزیان قهستا وهلاتین جیرانێن سودانێ بكهن.