سهرۆك بارزانى داخوازیهكێ ژ لایهنێن سیاسى دكهت
گاڤ
سهرۆك بارزانى ئهڤرۆ پێنجشهمبیێ گۆتارهك ب ههلكهفتا سالڤهگهڕا شۆڕهشا گۆلانێ بهلاڤكر و تێدا داخواز ژ لایهنێن سیاسى كر كو ناكۆكیێن سیاسى دهرباز بكهن و ههمى پێكڤه ب گیانهكێ نیشتیمانپهروهرانه كێشهیان چاره بكهن.
د گۆتارا سهرۆك بارزانى دا هاتیه "شۆڕهشا گۆلانێ قووناغهكا ههره گرنگ یا بزاڤا رزگاریخوازا كوردستانێ بوو و ههلگرا وێ پهیامێ بوو كو ئیرادهیا بهردهوامیێ و شۆڕهشێ د ناخێ مرۆڤى كوردستانى دا ههر یا زیندى یه".
سهرۆك بارزانى داخواز ژ لایهنێن سیاسى كر كو ناكۆكیێن سیاسى دهرباز بكهن و ههمى پێكڤه ب گیانهكێ نیشتیمانپهروهرانه و برایانه كێشهیان چاره بكهن.
ههروهسا د پهیامێ دا دیاركر "پێدڤیه بهرژهوهندیا كوردستانێ ژ بهرى ههمى بهرژهوهندیێن دى بیت".
ئاههنگهكا جهماوهرى ئهڤرۆ پێنجشهمبیێ ل دهڤهرا بالهكایهتى ب ههلكهفتا سالڤهگهڕا 47ێ یا شۆڕهشا گۆلانێ برێڤهچوو و تێدا گۆتارا سهرۆك بارزانى هاته خواندن.