بریتانیا دێ مێهڤانداریا ئێكهمین گۆپیتكا جیهانى ل دۆر ژیریا دهستكرد كهت
گاڤ
بریتانیا د ئهڤساله دا دێ مێهڤانداریا ئێكهمین گۆپیتكا جیهانى ل دۆر ژیریا دهستكرد كهت كو ئارمانج ژێ كونترۆلكرن و كێمكرنا زیانێن وێ یه.
حكومهتا بریتانیا راگههاندیه كو بریتانیا دێ ل ئهڤ ساله مێهڤانداریا ئێكهم گۆپیتكا جیهانى ل دۆر ژیریا دهستكرد كهت.
دیار ژى كریه كو "ئارمانج ژ گۆپیتكێ گههشتنه ب دیتنهكا ههڤپشك دناڤبهرا وهلاتان دا ژ بۆ سنوورداركرنا مهترسیێن ژیریا دهستكرد".
دهێته چاڤهرێكرن گۆپیتك ل پاییزا ئهڤ ساله برێڤهبچیت و دێ ژمارهیهكا تهوهرێن گرێداى ژیریا دهستكرد تێدا هێنه بهحسكرن.
ژمارهیهكا زانایان ژ بهرى نوكه د پهیامێن جودا جودا دا هوشدارى ژ هندهك مهترسیێن ژیریا دهستكرد ل سهر پاشهرۆژا مرۆڤان و پیشهیان داینه.
وان زانایان داخوازا كونترۆلكرن و رێكخستنا ژیریا دهستكرد كرينه دا كو ب تنێ د بوارێن گرێداى بهرژهوهندیا مرۆڤان دا مفا ژێ بهێته دیتن.