حكومهتا هه‌رێمێ: حكومهتا ئیراقێ غه‌درێ ل فه‌رمانبه‌رێن هه‌ریما كوردستانێ دكه‌ت
بەلاڤ بکە
گاڤ
په‌یڤدارێ حكومهتا هه‌رێما كوردستانێ رادگه‌هینیت، حكومهتا هه‌رێمێ هه‌مى تشته‌كێ پێدڤى راده‌ستى حكومهتا ئیراقێ كریه ژ نه‌فت و داهاتێ ناڤخۆ، به‌لێ حكومهتا ئیراقێ پێگیرى رێككه‌فتنا هه‌ڤپشك نه‌بوویه و حكومهتا ئیراقێ ژى تۆمه‌تبار كر كو غه‌درێ ل فه‌رمانبه‌رێن هه‌رێما كوردستانێ دكه‌ت.
پێشه‌وا هه‌ورامانى، په‌یڤدارێ حكومهتا هه‌رێما كورستانێ بۆ ده‌نگێ ئه‌مریكا گۆت: هه‌مى داخوازیێن حكومهتا ئیراقێ ژ ئالیێ هه‌رێما كوردستانێ ڤه هاتینه بجهئینان، لێ دڤێت هه‌رێم ئیراقێ پێگیر بكه‌ت ب پڕۆژه‌قانوونا بودجه‌یى كو ژ په‌ڕله‌مانى ب خۆ ده‌رچوویه.
هه‌روه‌سا دیاركر، ئه‌ڤا هاتیه كرن غه‌دره‌كا مه‌زنه ل فه‌رمانبه‌ر و مووچه‌خۆڕێن هه‌رێما كوردستانێ دهێته كرن و هه‌مى ئه‌ركێن ل سه‌ر ملێ حكومهتا هه‌رێمێ هاتینه بجهئینان.
هه‌روه‌سا گۆت: "نزانین حكومهتا هه‌رێمێ زێده‌تر چ بكه‌ت بۆ وێ یه‌كێ مووچه‌یێ فه‌رمانبه‌رێن هه‌رێمێ ژ ئالیێ به‌غدایێ ڤه بهێنه هنارتن و هیڤىدارم حكومهتا ئیراقێ ئێدى ڤى بابه‌تى وه‌ك كارته‌كا سیاسى و فشار بۆ برسیكرنا خه‌لكێ هه‌رێمێ بكارنه‌ئینیت".
هه‌ورامانى دیاركر، ئه‌گه‌ره‌كێ جدى نینه ل پشت هنارتنا وى پاره‌یى كو ب كێماسى ڤه هاتیه ره‌وانه‌كرن، بۆ كورتهێنانا مووچه‌یان ژى حكومه‌ت دێ پشت ب داهاتێ ناڤخۆبه‌ستیت.
په‌یڤدارێ حكومهتا هه‌رێمێ گۆتژى: تاكو حكومهتا ئیراقێ نه‌هێته پێگیركرن ب پڕۆژه‌قانوونا بودجه‌یى كێشه‌یا مووچه‌یان چاره نابیت.
