قۆتبوونهكا بهرفرههـ یا ئهنترنێتێ ل دههان وهلاتێن ئهفریكا رویدا
گاڤ
قۆتبوونهكا بهرفرههـ یا هێلا ئهنترنێتێ ل ژمارهیهكا وهلاتێن ناڤهراست و رۆژئاڤایێ ئهفریكا ژ بهر ژكاركهفتنا هندهك كێبلێن د دهریایێ دا رویدایه.
روانگهها نێتبلۆكس یا چاڤدێرییا ئهنترنێتێ ئهڤرۆ پێنجشهمبیێ راگههاند؛ ژكاركهفتنهكا مهزن د پهیوهندیێن ئهنترنێتێ دا ل رۆژئاڤا و ناڤهراستا ئهفریكا رویدایه و ل گۆرهى راپۆرتێن كۆمپانیێن پهیوهندییان ئهو چهنده ژ بهر ئاریشهیێن د كێبلێن د دهریایان دا بوویه.
تا نوكه ب دروستى ئهگهرێ ژكاركهفتنا كێبلێن دهریایى یێن ئهنترنێتێ نههاتیه زانین.
ل گۆرهى داتایێن وێ روانگههێ؛ وهلاتێ كوت دیڤوار رویبروى قۆتبوونهكا بهرفرههـ یا هێلا ئهنترنێتێ بوویه ههروهسا كارتێكرنا بڕینا هێلێ ل وهلاتێن لیبیریا و بنین و بۆركینا فاسۆ ژى ههبوویه.
ههروهسا ژكاركهفتنێن مهزن یێن ئهنترنێتێ ل ههر ئێك ژ گامبیا، گینیا، لیبیریا، كوت دیڤوار، غانا، بنین و نهیجهر رویداینه.
كۆمپانیا ڤوداكۆم یا پهیوهندییان یا ئهفریكا باشوور ژ لایێ خۆڤه دیاركریه؛ ژكاركهفتنێن كێبلێن دهریایى كارتێكرن ل سهر كۆمپانیێن ئهنترنێتێ ل وهلاتى كریه.