گاڤ

كۆمپانیا ئه‌پل ژڤانێ گڕێدانا كۆنفرانسێ خۆ یێ سالانه‌ یێ پێشڤه‌به‌ران WWDC 24 ئاشكرا كر و كو تێدا دێ ژماره‌یه‌كا ئه‌پدێت و گوهۆڕینان بۆ ئامیره‌یێن خۆ راگه‌هینیت.

ئه‌پل راگه‌هاند كو كۆنفرانسێ WWDC 24 دێ ژ رۆژا 10 هه‌تا 14ى خزیرانا بهێت برێڤه‌چیت، وه‌كى هه‌ر سال دێ كۆنفرانس ب رێكا ئۆنلاین بۆ هه‌مى پێشڤه‌به‌رێن سوفتوه‌یرى و ب هه‌روه‌یى هێته‌ په‌خشكرن.

دێ ژماره‌یه‌كا گوهۆڕێن و ساخله‌ت و به‌رنامه‌یێن نوى د ده‌مێ كۆنفرانسێ سالانه‌ یێ ئه‌پل دا هێنه‌ راگه‌هاندن، ژ وان ژى، ئه‌پدێتا نوى یا سیسته‌مێ كاركرنێ یێ ئایفۆنان iOS 18.

هه‌روه‌سا ئه‌پدێتێن سیسته‌مێن كاركرنێ یێن ئایپادان و لاپتۆپان ژى iPadOS 18 و MacOS 18 ژى هه‌روه‌سا ئه‌پدێتێن نوى یێن ده‌مژمێر و به‌رچاڤكا ئه‌پل دێ د كۆنفرانسى دا هێنه‌ نیشاندان.

تا نوكه‌ نه‌هاتیه‌ زانین كا ئه‌پل دێ هنده‌ك ئامیره‌یێن نوى وه‌كى لاپتۆپێن ماك د كۆنفرانسى دا راگه‌هینیت یان نه‌، لێ دێ ژماره‌یه‌كا گوهۆڕینان و ئه‌پدێتان تێدا هێنه‌ راگه‌هاندن.