پهیڤدارێ وهزارهتا دارایى: بابهتێ مووچهیان چارهسهر بوو و ئێدى نابیته ئاریشه
گاڤ
پهیڤدارێ وهزارهتا دارایى و ئابوورى یا حكومهتا ههرێما كوردستانێ راگههاند؛ بابهتێ مووچهیان چارهسهر بوو و ئێدى نابیته ئاریشه.
هونهر جهمال ئهڤرۆ چارشهمبیێ راگههاند "بابهتێ مووچهیان ب تهمامى چارهسهر بوویه، د سهرهدانا ڤێ دویماهیێ ژى یا سهرۆكوهزیرێ ئیراقێ دا بۆ ئهمریكا بهحس ل بابهتێ مووچهیێن فهرمانبهران هاتیه كرن، بابهتێ مووچهیان چارهسهر بوو و ئێدى نابیته ئاریشه، مووچه مافهكێ سهرهكى و بنهرهتى یێ مووچهخۆڕێن ههرێما كوردستانێ یه".
ل دۆر ژڤانێ بهلاڤكرنا مووچهیێن ههیڤا نیسانێ دیاركر "ئیراق پشتى 18ى ههیڤێ دێ دهست ب دابهشكرنا مووچهیان كهت، ل دهستپێكێ مووچهیێن خانهنشینان و پاشى مووچهیێن وهزارهت و فهرمانگههێن دى دێ هێنه دابهشكرن، ئهگهر ل گۆرهى وى پیڤهرى بیت، ل حهفتییا بهێت دابهشكرنا مووچهیان ل ئیراقێ دێ دهستپێكهت و ئهم ژى دێ ههمى بهرههڤییان كهین دا د دهمێ خۆدا مووچهیێن فهرمانبهرێن ههرێمێ بهێنه دابهشكرن".
دهربارهى سێ مووچهیێن سالا بۆرى یێن مووچهخۆرێن ههرێمێ یێن نههاتینه دان، ناڤهاتى گۆت "بهرى نوكه ب نڤیسارهكا فهرمى سهرۆكوهزیرێ ههرێمێ داخوازا خهرجكرنا سێ مووچهیێن سالا بۆرى كریه، لێ تا نوكه ئیراقێ ئهو پارهیه خهرجنهكریه و یاسایا بودجهیێ ب دروستى نههاتیه بجهئینان.