پارێزگارێ دهۆكێ ل به‌لژیكایه‌ و و پشكدارى ڤه‌خواندنه‌كا فه‌رمى یا رێكخستنا یونسكۆ یا تایبه‌ت ب نووژه‌نكرنا شینوارێن پارێزگه‌ها دهۆكێ بوو.

د. عه‌لى ته‌ته‌ر پارێزگارێ دهۆكێ سه‌را سەرا بالیوزخانا عیراقا فیدرال ل برۆکسلا پایتەختێ وەلاتێ بەلژیکا دا و ل گه‌ل ئەحمەد تەحسین بەرواری، بالیۆزێ حکومەتا ئییراقا فیدرال بەحسێ رەوشا ھەرێما کوردستانێ بگشتی و رەوشا پارێزگەھا دھۆکێ و کار و پڕۆژه‌یێن حکومەتا ھەرێما کوردستانێ ئەوێن دھەموو سێکتەران دھێنە كرن  به‌حسرن، د تەوەرەکێ دى دا بەحسێ رەوشا رەڤەندا کورد و عیراقێ ل وەلاتێن ئەورپی بگشتی  و ب تایبەتی ل وەلاتێ بەلژیکا ھاتە کرن.

ژ ئالییه‌كێ دى ڤه‌ و ل دووڤ ڤەخواندنەکا فەرمی یا رێکخراوا یونسکو و ئێکەتیا ئەورپی هه‌ر  ل برۆکسل د.عەلی تەتەر، پارێزگارێ دھۆکێ  وەکو سەرۆکێ شاندێ حکومەتا ھەرێما کوردستانێ  و ب ئامادەبوونا دلاوەر ئاژگەیی، بەرپرسێ نوینەراتیا حکومەتا ھەرێما کوردستانێ ل ئێکەتیا ئەورپی و ئەحمەد تەحسین بەرواری،  بالیۆزێ ئیراقا فیدرال و بالیوزێن وەلاتێن چەندین وەلاتان و بەرپرسێ به‌رنامه‌یێ ئێکەتیا ئەورپا ل رۆژھەلاتا ناڤەراست  رێورسمێ بەرنامێ (مەدەد) یێ تایبەت ژبۆ ھاریکاریکرن و پەیداکرنا دەلیڤێن کاری بۆ ئاوارە و پەنابەرێن سووری و ھاولاتیێن وان وەلاتان ئەوێن ئەو په‌نابه‌رێن سووری  مێھڤان کرین.

پارێزگارێ دھۆکێ بناڤێ خو و خەلکێ کوردستانێ  سوپاسیا رێکخراوا یونسکو یا نەتەوێن ئێکگرتی و ئێکەتیا ئەورپی کر ل دۆر ئەو کار وخزمەتێن د وارێ نویژەنکرنا شوینوارادا و گرنگیدان ب وارێ خواندن و پەروەردێ و نەھێلانا نەخوێندەواریێ پێشکێشدکەن. و خواست کو ئەڤ به‌رنامه‌ و پشتەڤانیا ژ ئالیێ ئێکەتیا ئەورپی و رێکخراوا یونسکۆ یا بەردەوامبیت

ده‌رباره‌یى شوینوارێن شکەفتا شانەدەر و دیتنا ھەستییێن مرۆڤێن نیاندەرتال پارێزگارێ دھۆکێ گۆت:  بەرپرسێن وەلاتێ بەلژیکا داخوازکریە سەرا شکەفتا شاندەر بده‌ن و ئەوێ ڤەدیتنێ پتر سەرنجا گەشتیار و حەژێکەرێن شوینوارا راکێشیا و دێ بیتە ئه‌گه‌ره‌ك کو ھەرێما کوردستانێ ل سەر نەخشێ جیھانێ پتر ب خەلکی بھێتە ناساندن و گەشتیار پتر قەستا ھەرێمێ  و پارێزگەھا دھۆکێ بکەن.

پارێزگارێ دھۆکێ لۆگۆیێ پارێزگەھێ وەکو خەلاتەکێ رێزگرتنێ پێشکێشی بەرپرسێن ئێکەتیا ئەورپی و رێکخراوا یونسکۆ کر، ھەمبەر خزمەتا وان ل ھەرێما کوردستانێ.

هه‌ر ل برۆكسلێ پارێزگارێ دھۆکێ سەرا نوینەراتیا حکومەتا ھەرێما کوردستانێ ل برۆکسلا پایتەختێ وەلاتێ بەلژیکا دا ژ ئالیێ دلاوەر ئاژگەیی، بەرپرسێ نوینەراتیا حکومەتا ھەرێما کوردستانێ و ئەندامێن نوینەراتیێ پێشوازی لێ ھاتە کرن

دھەڤدیتنەکێدا بەحسێ رەوشا ھەرێما کوردستانێ بگشتی و رەوشا پارێزگەھا دھۆکێ و کار و پڕۆژه‌یێن حکومەتا ھەرێما کوردستانێ ئەوێن دھەمى سەکتەران دھێنە كرن ھاتە کرن.

دتەوەرەکێ دن دا بەحسێ پرۆژێن سەخبێرکرنا شوینوارا ل دھۆک، شێخان و ئاکرێ ئەوێن ژ ئالیێ رێکخراوا یونسکۆ یا نەتەوێن ئیێگگرتی کو پشتەڤانیای ئێکەتیا ئەورپا دھێنە بجهئینان، ھاتە کرن.