رۆسیا.. داعشێ 2 زێرەڤانێن زیندانەکێ گرتن
06/16/2024 - 12:00
گاڤ
تیرۆرستێن داعشێ د زیندانەکا رۆسیا دا زێرەڤانێن زیندانێ کرینە بارمتە و حکومەتا رۆسیا دەردۆرێن زیندانێ گرتینە.
ل گۆرەی کارگێرییا زیندانا رووستۆڤ ل رۆسیا، ئەڤرۆ سپێدێ ژمارەیەکا زیندانییان کو ب تاوانا ئەندامەتییا داعشێ د زیندانێ دانە، دو زێرەڤانێن زیندانێ وەک بارمتە گرتینە و داخوازییان ژ حکومەتا رۆسیا دکەن.
هەرچەندە تا نوکە دیار نینە زیان گەهشتینە وان زێرەڤانان یان نە، لێ ل گۆرەی ڤیدیۆیەکێ کو ل تۆڕێن جڤاکی بەلاڤ بوویە، زێرەڤانەکێ زیندانێ یێ گەنج ل تەنشت تیرۆرستەکی یە کو یێ ریهـ درێژە و ئالایێ داعشێ ب سەری ڤەیە و چەقۆیەک د دەستان دایە و زێرەڤانێ دویێ ژی ل تەنشت تیرۆرستەکێ دی یە و گەف ل هەردویان دهێنە کرن.
تا نوکە حکومەتا رۆسیا ب فەرمی نەگۆتییە کا داخوازییێن وان تیرۆرستان چ نە، لێ رێکێن دەردۆرێن زیندانێ گرتینە هاتنوچوون لێ قەدەغەکرییە.