ئیراق بۆ ئهرزانییا پانزینێ لسهر ئاستێ جیهانێ ل رێزا 19ێ یه
گاڤ
ل گۆرهى گلۆبال پێترۆل پرایس، لسهر ئاستێ جیهانێ ئیراق ل رێزا 19ێ دهێت بۆ ئهرزانییا پانزینێ و ئیران ل رێزا ئێكێ دهێت، هۆنگ كۆننگ ژى دكهڤیته دویماهییا رێزبهندیێ.
ل گۆرهى خشتهیهكێ وێبسایتێ، گلۆبال پێترۆل پرایس كو تایبهته ب چاڤدێریكرنا بهایێ سوتهمهنیێ و كارهبێ، دناڤا 170 وهلاتان دا ئیراق ل رێزا 19ێ بۆ ئهرزانییا پانزینێ دهێت كو بهایێ ههر لیترهكا پانزینێ، 0.649 دۆلاره.
گلۆبال پێترۆل پرایس ددهته زانین، ئیران ل پلهیا ئێكێ بۆ ئهرزانییا پانزینێ دهێت، كو بهایێ ههر لیترهكێ 0.29 دۆلاره، لیبیا ل پلهیا دووێ و ڤهنزهوێلا ل پلهیا سێیێ و مسر ل پلهیا چارێ دهێن، پاشى ههر ئێك ژ جهزائیر، كوێت، ئهنگولا، توركمهنستان، مالیزیا و نهیجیریا دهێن.
د لیستا گلۆبال پێترۆل پرایس دا هاتییه، هۆنك كۆنگ ل دویماهییا رێزبهندیێ دهێت و بهایێ ههر لیترهكا پانزینێ ل وى وهلاتى 3.238 دۆلارن.