پهرلهمانێ ئهورۆپى رۆسيا وهك وهلاتهكێ پشتهڤان بۆ تيرۆرێ پۆلينكر
گاڤ نيوز
پهرلهمانێ ئهورۆپى ئهڤرۆ چارشهمبيێ رۆسيا وهك وهلاتهكێ پشتهڤان بۆ تيرۆرێ پۆلينكر.
ئاژانسان بهلاڤكرينه؛ پهرلهمانێ ئهورۆپى ب پرانيا 191 دهنگان رۆسيا وهك وهلاتهكێ پشتهڤان بۆ تيرۆرێ و ئالاڤێن تيرۆرێ بكاردئينيت، پۆلينكر.
پهرلهمانێ ئهورۆپى داخواز ژى ژ وهلاتێن جيهانێ كر كو ئاستێ پهيوهنديان ل گهل وهلاتێن پشتهڤان بۆ تيرۆرێ كێم بكهن ههروهسا داخواز ژ پهرلهمانێن ههر 27 وهلاتێن ئێكهتيا ئهورۆپى كر كو ههمان گاڤ بهاڤێژن.
ل گۆرهى پهرلهمانتارێن ئهورۆپى؛ ژناڤبرنا ژێرخانهيا مهدهنى و بنپێكرنا مافێن مرۆڤى و ياسايا نێڤدهولهتى يا مرۆڤايهتى كارێن تيرۆرستى نه كو رۆسيا ل دژى گهلێ ئۆكراينا ئهنجامددهت ههروهسا ب تاوانێن جهنگى دهێنه پۆلينكرن.
پشتى بڕيارا پهرلهمانێ ئهورۆپى، مالپهرێ وان تووشى هێرشهكا ئهلهكترۆنى ژ لايێ رۆسيا ڤه بوويه.
خاومى دوچ ئاخفتنكهرێ ب ناڤێ پهرلهمانێ ئهورۆپى د ڤى دهربارهى دا دياركر كو مالپهرێ ئهلهكترۆنى يێ پهرلهمانێ ئهورۆپى ژ كارى راوهستيايه و تيمێن پهرلهمانى كار ل سهر چارهسهركرنا ڤێ كێشهيێ د نزيكترين دهم دا دكهن.