سەرۆکوەزیر مەسروور بارزانی و پلاسخارت ل سەر گرنگیا پاراستنا سەروەریا ئیراقێ هەڤڕانە
11/24/2022 - 14:43
گاڤ
سەرۆکێ حکومەتا هەرێما کوردستانێ ئەڤرۆ پێشوازی ل نوینەرا تایبەت یا سکرتێرێ گشتی یێ نەتەوەیێن ئێكگرتی کر و چەندین تەوەرێن گرێدایی هەرێما کوردستانێ، ئیراقێ و دەڤەرێ گۆتوبێژ کرن.
حکومەتا هەرێما کوردستانێ د راگەهاندنەکێ دا دیار کر: مەسروور بارزانی، سەرۆکێ حکومەتا هەرێما کوردستانێ ئەڤرۆ پێشوازی ل جێنین پلاسخارت، نوینەرا تایبەت یا سکرتێرێ گشتی یێ نەتەوەیێن ئێکگرتی ل ئیراقێ کر و د کۆمبوونەکێ دا رەوشا ئیراقێ ب گشتی و دوماهی گوهۆڕینێن دەڤەرێ و گرنگیا چارەکرنا کێشەیێن د ناڤبەرا هەولێرێ و بەغدایێ دا ل گۆرەی دەستۆرێ ئیراقێ هاتنە بەحسکرن.
د هەمان کۆمبوون دا بەحسا گرنگیا سەروەریا ئیراقێ هاتە کرن و هەردو ئالی هەڤڕابوون کو پێدڤیە هێرشێن دژی هەرێما کوردستانێ دهێنە کرن، بهێنە راوەستاندن.