گاڤ

سەرۆکوەزیرێ ئیراقێ و سەرۆکێ کۆمارا ئیسلامی یا ئیرانێ ئەڤرۆ ل تەهرانێ کۆم بوون و دوپاتی ل بەردەوامیا پەیوەندیێن هەڤپشک کر.

ئیبراهیم رەئیسی، سەرۆکێ کۆمارا ئیسلامی یا ئیرانێ ئەڤرۆ ل تەهرانێ پێشوازی ل محەمەد شیاع سوودانی، سەرۆکوەزیرێ ئیراقێ کر و پشتی کۆمبووین د  کۆنگرەیەکێ رۆژنامەڤانی دا راگەهاند: پەیوەندیێن ئیراقێ و ئیرانێ دێرینن و پێدڤیە بەردەوام ل ئاستەکێ باش بن.

سوودانی د کۆنگرەیێ رۆژنامەڤانی دا دوپات کر کو نابیت ئاخا ئیراقێ ل دژی کۆمارا ئیسلامی یا ئیرانێ بهێتە بکارئینان و پێدڤیە ئیراق و ئیران ب هەڤپشکی بەرهنگاریا تیرۆرێ بکەن.

ئیبراهیم رەئیسی دەربارەی پەیوەندیێن ئیراق و ئیرانێ گۆت: هەردو وەلاتان پەیوەندیێن سیاسی و ئابۆری هەنە و پێدڤیە ئەو پەیوەندی بەر ب پێش بهێنە برن.