پهڕلهمانێ ئیراقێ ئەڤرۆ دێ بهحسا چ كهت؟
01/28/2023 - 08:57
گاڤ
ئەڤرۆ دێ پهڕلهمانێ ئیراقێ كۆمبیت و دێ چار پڕۆژه قانوونان و راپۆرتهكێ ل دۆر ژههراویبوونا پهینا كیمیایى بهحس كهت.
د راگههاندنهكێ دا پهڕلهمانێ ئیراقێ خشتهیێ كارى یێ روونشتنا ئەڤرۆ رۆژا شەمبی ئاشكراكریه و دیاركریه، كۆمبوون ژ شهش برگهیان پێك دهێت. خواندنا ئێكێ دێ بۆ هندهك پڕۆژه قانوونان هێتهكرن كو تایبهتن بۆ چوونا ئیراقێ بۆ ناڤا هندهك ههڤپهیمانیێن نێڤدهولهتى، ژ وان ژى پهیماننامهیا خۆڤهدزین ژ باجێ و سیستهمێ لاهاى بۆ قانوونێن نێڤدهولهتى.
ههر د كۆمبوونا ئەڤرۆ دا پهڕلهمان دێ خواندنا ئێكێ بۆ پڕۆژهقانوونا پهیمانگهها ئامادهكرنا رێپێدایێن پۆلیسان كهت.
پهڕلهمانێ ئیراقێ دیاركریه، د برگهیا دوماهیێ یا كۆمبوونێ دا دێ راپۆرتا لژنهیا لێكۆلینێن راستیان دهربارهیى ژههراویبوونا پهینا كیمیایى هێته بهحسكرن.